2020-mi 262-inik amerlassusillit
ingerlariaqqiffiusumik ilinniarnermik
naammassinnissimapput
2020-mi ingerlariaqqiffiusumik ilinniarnermik naammassinnissimasut 262-inik amerlassuseqarput. Taakkunannga 64 pct.-it Kalaallit Nunaanni naammassinnissimapput.
Piffissaq sivisunerusoq isigalugu ingerlariaqqiffiusumik ilinniakkamik naammassisartut amerleriarujussuarput. 2005-imii naammassinnissimasut 96 pct.-imik qaffassimapput.
Titartagaq 1. 2005-imiit 2020-mut ingerlariaqqiffiusumik ilinniarnermik naammassinnissimasut nuna ilinniarfiat malillugu
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (https://bank.stat.gl/UDNISC11D).
Ingerlariaqqiffiusumik ilinniagallit akornanni amerlanerpaat professionsbacheloritut ilinniagaqarput, ikittuinnaallu kandidatitut ilinniarnissartik qinertarlugu. Ineriartornerulli takutippaa kandidatitut naammassisartut amerlatsikkiartortut. 2020-mi kandidatitut ilinniarsimasut 37-upput, 2005-imut sanilliullugu marloriaammik amerlanerullutik. Kandidatitut ilinniaqqittartut amerlanerpaat nunani allani ilinniartarput.
Titartagaq 2. 2005-imiit 2020-mut ingerlariaqqiffiusumik ilinniarnermik naammassinnissimasut ilinniakkap suussusaa malillugu
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (https://bank.stat.gl/UDNISC11D).
Ilinniartut quliugaangata pingasut
nunani allani ilinniartarput
2020-mi ilinniartut ingerlariaqqiffiusumik
ilinniarnermik ingerlatsisut
1.300-upput. Taakkunannga 936-t Kalaallit
Nunaanni ilinniartuupput,
364-illu nunani allani ilinniartuullutik. Ilinniakkamik ingerlatsisut amerlassusaat
2016-imitut inissisimapput. 2005-imut sanilliullugu ilinniakkamik ingerlatsisut amerlassusaat
2020-mi 80 pct.-imik qaffasinnerupput.
Kalaallit Nunaanni ingerlariaqqiffiusumik iliniakkanik
ingerlatsisartut qaffariaataat
annertunerpaavoq.
Kalaallit Nunaanni kandidatitut
ilinniakkamik aallartitsisartut
ikinnerusut
2015-imi ingerlariaqqiffiusumik ilinniakkamik
aallartitsisimasut amerlanerpaasimapput,
2020-llu tungaanut 13 pct.-imik
apparsimavoq. Ukiup ataatsip ingerlanerani Kalaallit Nunaanni ingerlariaqqiffiusumik ilinniakkamik
aallartitsisimasut amerlassusaat
8 pct.-imik qaffariarsimavoq,
nunanili allani aallartitsisimasut 10 pct.-imik appariarsimallutik.